Grizzles guard Ja Morant gimultahan og $75-K

Gipamulta sa NBA ang player sa Memphis Grizzles nga si Ja Morant og $75,000.

Kini human sa iyang ‘finger-gun gestures’ atol sa ilang dula batok sa Golden State Warriors niadtong Miyerkules.

Una nang gipahimangnoan sa NBA si Morant nga dili kini buhaton tungod kay basin mahimong negatibo nga mabasa sa pipila ka mga tawo.

Gisultihan usab siya ni NBA commissioner Adam Silver nga dili kini himuon , apan paglabay sa pipila ka oras iya kining gihimo.

Kahinumduman nga sa miaging mga tuig gisuspenso si Morant human kini nakuhaan og armas.