Nisaka ngadto sa 26 ang nangamatay sa North Gyeongsang, South Korea human nikusog ang sunog nga nag-ulbo .
Miresulta usab kini sa pagkaangol sa 30 ka uban, samtang ang SoKor padayon nga nakigbatok sa pagpalong sa kalayo.
Ang sunog nikaon na ug 36,000 ka ektarya sa kalasangan, nga labaw pa sa 23,794 ka ektarya nga naugdaw sa miaging mga sunog sa nasud niadtong tuig 2000.
Mga 37,000 ka residente ang nawad-an sa ilang mga balay, lakip ang 29,911 nga apektadong mga lugar sa Uiseong ug Andong.
Ang mga opisyal sa SoKor dugang nga nagtaho nga ang mga operasyon sa wildfire nagpadayon sa tibuok adlaw gamit ang ilang helicopter, fire trucks, ug mga personahe aron masumpo ang sunog nga nagsugod sa Uiseong County, niadtong Sabado.
Giingong kusog nga hangin ang hinungdan sa paspas nga pagkuyanap sa kalayo, apan gipaabot nga 5 mm ang pag-ulan nga makatabang sa pagpalong sa kalayo.
Giisip sa mga awtoridad nga kini ang labing grabe nga sunog sa kasaysayan sa South Korea.
