Human gipalagpot,subling gibalik sa Philippine National Police si PNP-Anti Kidnapping Group (AKG) Police Col Elmer Ragay.
Base sa General Orders Number 55 nga giluwatan niadtong Lunes sa PNP, giingong “nullified” ang pagpabuto kang Ragay niadtong katapusan sa Pebrero.
Ang katin-awan mao nga gidili ang pagbalhin sa mga opisyal sa gobyerno panahon sa eleksiyon nga walay bendisyon sa commission on election o Comelec.
Una niini, si PNP chief General Rommel Francisco D. Marbil nimando sa administrative relief sa PNP-AKG director human nitumaw ang negatibong mga taho sa media ug viral nga diskusyon nga nagkuwestiyon sa legalidad sa rescue operation.
Matod ni Gen. Marbil, malampusong na-recover ang bata apan importante nga masusi ang hitabo aron matubag ang kahadlok sa publiko ug masiguro ang transparency sa operasyon sa PNP, diin nalambigit ang usa ka 14-anyos nga estudyante.
