GSCPO walay nadawat nga report nga sa dakbayan nagtago ang suspek sa pagpangholdap sa usa ka pawnshop sa Davao

Gihingusgan ni P/Lt. Col Rexor Jake Canoy, tigpamaba sa General Santos City Police Office ( GSCPO) nga andam sa tanang oras ang kapulisan sa pagdakop sa mga suspek sa pagpanghold ap sa pawnshop sa Davao City.

Matud pa ni Canoy nga wala silay nadawat nga intelligence report nga dinhi sa dakbayan gataguan ang mga nasampit.

Apan lakip sa ilang responsibilidad ang pag-aksyon kung dinhi sa dakbayan gataguan ang mga nakahimo og kremin.

Kahibaluan nga unom ang suspek sa maong insidente kung asa ang usa ang naaresto.

Ang kada usa nga mga suspek nga padayon pa nga gipangita ang may reward nga tag P100,000.

Kapin sa P40 million ang narekober nga mga alahas sa mga otoridad gikan sa nasikop nga suspek