Adunay mubo nga mensahe si Vice President Sara Duterte alang sa Muslim Community isip paghiusa sa selebrasyon sa Ramadan nga nagsugod karong adlawa Marso 2, 2025.
Sa iyang video message, giawhag niya ang mga Muslim nga ilakip sa ilang pag-ampo ang kalinaw og kapasayluan dili lamang alang sa personal nga kinabuhi apan lakip sa nasud.
Matud pa sa bise presidente nga panahon na nga mamalandong aron masayran ang kamahinungdanon sa ilang pagsakripisyo aron malamdagan.
Gikadugang pa niini nga unta magsilbing giya sa mga pag-ampo og repleksyon ang Ramadan samtang positibong gitan-aw ang usa ka maayong kaugmaon sa matag Pilipino.
Gawas niini misentro usab ang mensahe ni VP Sara sa ‘mercy, peace and blessings’ alang sa kaigsoonang mga Muslim sa tibook nasud.
Kahibaluan nga karong adlawa nagsugod ang Ramadan ang usa ka bulan nga pagpuasa.
