Gipaniguro ni PCol. Nicomedes Olaivar Jr. City Director sa GSCPO nga doble ang seguridad nga ipatuman sa mga kapulisan atol sa 86th Founding Anniversary ug 36th Kalilangan Festival sa GenSan.
Mas pakusgan sa mga pulis ang pagbantay dili lang sa mga venue sa mga aktibidad nga giandam para sa selebrasyon apan lakip sa strategic areas.
Gibutyag ni Olaivar gawas sa mga PNP-Comelec checkpoints, gimandoan ang napulo ka station commanders nga magpahigayon og checkpoints sa ilang area of responsibility gawas pa sa hugot nga pagpatrolya sa ilang estasyon ilabina panahon sa kagabhion.
Sa pamahayag sa nasampit nga opisyal nga ang dobleng pagpatuman og seaguridad aron dali nga makaresponde sa unsa mang matang sa insidente nga matigayon.
Kahibaluan nga gipakatag na sugod ning adlawa sa Oval Plaza og sa ubang lugar sa dakbayan ang mga sakop gikan sa GSCPO, Task force Gensan, Philippine Coast Guard, Bureau of Fire Protection Gensan ug lain pang mga units ug mga force multipliers aron magbantay para sa Kalilangan 2025.
