Mosalmot og balik ang pambato sa Quezon Province nga si Ahtisa Manalo sa labing sikat nga nasudnong pageant dinhi sa Pilipinas, ang Miss Universe Philippines, human sa iyang pag-apil pag-usab human nahisgotan online ang miaging international pageant.
Diin nakuha ni Ahtisa ang Top 3 placement sa Miss Universe 2024 ug sa ulahi napili nga labing unang Pinay nga nakatigi sa Miss Cosmo nga maoy nakabutang sa Pinay beauty queen sa Top 10 placement ug people’s choice award.
Dili usab bag-o sa natad sa pagsalmot og mga beauty contest ang 27-anyos nga si Manalo kaniadtong 2018 nakadaog siya sa Binibining Pilipinas International ug nakaangkon og 1st runner up title.
Sa pagkakaron, hilom si Ahtisa sa paghatag og mga detalye kon asa nga probinsiya ang iyang morepresentar sa umaabot nga national pageant sa MUPH 2025.
Sa laing bahin, si Pauline Amelinckx sa Bohol morag naguba ang paglaom sa iyang mga fans human niya ipahibalo sa iyang social media account nga nagduha-duha na siya kon moapil pa ba siya .
Dakong suporta ang gihatag sa beauty queen sa mga kaubang beauty queen nga mosalmot sa MUPH 2025.
Si Amelinckx maoy usa sa mga pioneer sa MUPH sa dihang nabulag ang prangkisa niini sa BPCI niadtong 2020 ug nakaapil na sa pageant katulo sukad niadtong 2020, 2023 ug 2024 ug napili nga morepresentar sa Pilipinas sa Miss Supranational 2024 ug midaog isip 1st runner-up.
