Nag-post na si Philmar Alipayo og video sa Facebook isip update sa ilang maayong relasyon sa ka-ipon nga si Andi Eigenmann nga duna’y caption nga ‘okay na’ kondiin makita sa mubo nga video clip nga ang pamilya niini kauban ang duha nila ka mga anak ingon man si Andi nga nanggitingsi. Gipadayag pa niini nga layo na og na-abtan ang maong isyu nga unta mahimo rang hisgutan sa pribadong paagi.
Kahinumduman nga gipyestahan sila sa mga netizens human ang mga series posts ni Andi sa social media diin gibulgar niini nga nasakitan siya sa gihimo sa iyang bana nga nagpa-matching tattoo sa amiga niini diin makita ang mga numerong 224 kansa nagpasabot sa today, tomorrow, forever.
Subay niini, ning-angkon gilayon si Philmar sa pagluib niini kang Andi rason nga nakadawat kini og mga bash, samtang gi-ulan usab og simpatiya si Andi ingon man mga pulong sa pagpanalipod kaniya.
