Nagsugod na karong adlawa ang opisyal nga 90-day campaign period alang sa national elective candidates para sa 2025 midterm elections.
Mukabat sa 64 nga mga kandidato sa pagka-senador og 155 usab sa party-list groups ang karon subject na sa mga regulasyon nga gitakda sa Commission on Elections (Comelec).
Sa bahin ni Comelec chair George Erwin Garcia, nagpahinumdom kini sa mga kandidato nga istrikto nga magsunod sa patakaran isip pagpakita og pagtahod.
Usa niini sumala sa nasampit ang dili pagkampanya sa tungang gabie ukon sa kaadlawon isip respeto usab sa mga tawo nga nagapahulay. Dili usab pwede maghatag og aid sa mga kandidato ang foreign entities.
I-monitor usab sa poll body ang campaign spending sa kandidato pinaagi sa pag-require sa ilaha sa pagsumite og statement of contribution and expenditures (SOCE) kun matapos na ang elections.
Angayan usab nga sundon ang limit sa kadakuon sa physical election paraphernalia base sa kun unsa ang nakalatid sa Fair Election Act.
Giabisuhan usab ang mga kandidato nga dili pwede mag-display og paraphernalia sa private properties nga walay pagtugot sa tag-iya sa propiedad, og dili usab pwede sa pampubliko nga mga lugar nga dili authorized common poster area.
Kahinumdoman nga resolusyon nga gipagawas ang Comelec nga naghatag ug pagtugot sa law enforcers nga magpahigayon og pag-aresto bisan walay warrant of arrest kun may makit-an nga nagabaligya og nagapalit og boto.
Karong adlawa, Pebrero 11 nagsugod ang Comelec sa “Oplan Baklas” ukon ang pagtanggang sa illegal campaign materials nga nagalapas na sa size limit nga gihatag sa poll body og gipaskin sa dili usab poster areas.
Sa Abril 17 og Abril 18, may break una sa kampanya para sa Semana Santa.
Sa pikas nga bahin, sa Marso 28 usab magsugod ang 45-day campaign sa mga magpapili sa local elections.
