Giaprobahan sa Department of Agriculture (DA) ang pag-import sa 4,000 metric tons (MT) sa bombay aron nga dili masubli ang pagtaas sa presyo sa maong produkto kaniadtong 2022 nga miabot sa P720 kada kilo.
Matud pa kang DA Secretary Francisco Tiu Laurel Jr., nga ang tumong aron nga mapugngan ang pagpahimulos sa mga
negosyanteng gamanipula sa presyo gumikan sa kakulangon sa supply.
Sulod sa duha ka semana sukad karon gilauman nga muabot ang 3,000 MT sa pula nga sibuyas og 1,000 MT nga puti nga sibuyas nga gi-import.
Matud pa ni Bureau of Plant Industry (BPI) Director Glenn Panganiban nga ang pag-import sa sibuyas ang usa ka preventive measure aron mapun-an ang kakulangan sa suplay.
Base sa datos nga sa miaging bulan anaa sa 8,500 MT lamang ang stock sa pula nga sibuyas nga mulungtad hangtud Pebrero, samtang
1,628 MT ang puti nga sibuyas.
