I-turn over dayon sa pamilya ang namatay nga mananagat sa West Philippine Sea nga si Elpidio Lamban.
Kahinumdoman nga si Lamban ang nahimong subject sa pagresponde sa Brp Cabra (MRRV-4409), apan gisunod-sunoran pa kini sa barko sa China og gi-harass.
Nasayran nga naglain ang paminaw sa maong mananagat samtang kini anaa sa lawud, partikular na sa area sa Calapacuan, Subic, Zambales.
Kini anaa sa gilay-ong 70 nautical miles gikan sa pinakaduol nga land area hinungdan nga wala gilayon nadala sa ospital.
Mas gipakamaayo na lang sa mga crew sa FB El Kapitan nga itawag kini sa Philippine Coast Guard, kung asa gilayon usab silang gitabangan.
Sa karon, ginaproseso na sa Coast Guard Station (CGS) Zambales ang preparasyon para sa uban pang serbisyo nga haum para sa mipanaw nga mananagat, apil na ang pamilya niini nga gipaabot nga musugat sa patay nga lawas.
