Rebeldeng Houthi gibuhian ang mga bihag nga tripulante sa MV Galaxy Leader kauban ang 17 ka Pinoy seafarers

Gibuhian sa mga rebeldeng Houthi sa Yemen ang ilang bihag nga tripulante sa MV Galaxy Leader.

Ang maong barko nabihag nila sukad kaniadtong Nobyembre 2023 dihang nagsugod sila sa pag-atake sa mga barko nga moagi sa Red Sea.

Lakip sa mga tripulante ang 17 ka Filipino seafarers sa maong barko.

Ang maong lakang luyo sa gipatuman nga ceasefire tali sa Hamas ug Israel.

Sumala sa mga rebeldeng Houthi, ang kamatuoran nga sila nakapagawas sa mga seafarer tungod usab sa mga pakigpulong nga gihimo sa mga tigpataliwala nga gipangulohan ni Oman.