Gikatakda nga mupalit ang National Food Authority (NFA) og anaa sa 300,000 metric tons (MT) nga bugas ning tuiga.
Matud pa kang Agriculture Secretary Francisco Tiu Laurel Jr. nga maoy nagsilbi nga chairman sa NFA Council, nga ang maong gidaghanon sa bugas ang pareho sa napalit sa miaging tuig nga mulungtad sa 15 ka adlaw nga national consumption base sa Rice Tariffication Law.
Ang maong ahensya ang gitahasan nga may igo nga rice buffer stocks nga kasagaran gikan sa mga lokal nga mga mag-uuma.
Kahibaluan nga ang importasyon sa bugas sa nasud sa miaging tuig ang anaa sa record high nga mukabat sa 4.78 million metric tons (MT) itandi sa tuig 2023 nga anaa sa 3.6 million MT.
Dili ikalimod nga miabot sa record high ang importasyon sa bugas gumikan gipaubsan sa nasud ang taripa gikan og miubos usab ang presyo sa world market.
