Nabalaka ang Commission on Population and Development (CPD) sa pagsaka sa kaso sa pagmabdos sa mga batan-on sa tibuok nasod.
Nigawas sa datus sa Philippine Statistics Authority nga misaka ug 6.6% ang gidaghanon sa mga batan-ong babaye nga nag-edad og diyes ngadto sa 14 nga nanganak.
Niadtong 2019, adunay 2,411 ka mga babaye nga nag-edad og 10 ngadto sa 14 anyos ang nanganak samtang niadtong 2023 misaka kini ngadto sa 3,343.
Mopatim-aw nga 38 ka babaye nga nag-edad og 15 paubos nakasinati usab og daghang pagmabdos niadtong 2023, samtang 17 ka babaye nga nag-edad og 15 ngadto sa 20 ang nanganak lima ka beses o labaw pa.
Ang maong problema nga nag-una sa mga lugar nga adunay taas nga populasyon susama sa Metro Manila, Central Luzon, ug CALABARZON.
Matod ni CPD Undersecretary Lisa Grace Bersales, gikinahanglan ang legisative action aron matubag dayon ang nagkagrabeng kaso sa teenage pregnancy.
Giinsister ni Bersales nga dako usab ang panginahanglan sa legislative action aron matubag ang maong problema, apil na niini ang pagpalabang sa Senate Bill 1979 o Adolescent Pregnancy Prevention Bill aron mapanalipdan ang mga teenage girls gikan sa sayo kaayong pagmabdos.
