Human sa duha ka sunodsunod nga makapahigawad nga mga duwa karong semanaha, ang 2022 NBA champion Golden State Warriors nakabalik na sa kadaugan human gipatumba ang Detroit Pistons.
Angayang masayran nga sunodsunod nga napildi ang Warriors sa ilang sangka batok sa Sacramento Kings ug Miami Heat diin ang duha ka nahisgutang mga koponan mi-ambush sa Golden State.
Sa duwa karon sa Warriors ug sa Pistons, napugngan ni GS ang pagsuway pagbalik sa Pistons sa kataposang kwarter ug nakaposte kini og tres puntos nga kadaugan, duha niini gikan sa kataposang free throw ni Stephen Curry.
Ang kadaugan sa Warriors bisan pa sa daw off-night ni NBA superstar Stephen Curry.
Kay misuway og pagawas si Curry og 21 ka shots apan lima ra ang iyang nasulod. Gikan sa 21 ka itsa, 14 niini maoy 3-pointers ug duha ra ang iyang nahimo.
Walay GS player nga nakaiskor og 20 puntos o mas taas pa. Sa kinatibuk-an nga duwa, si Curry igo lang nakamugna og 17 puntos samtang nisakmit sab og napulo ka rebounds.
Ang Sophomore nga si Trayce Jackson-Davis adunay double-double nga performance: 14 pts, 10 rebs.
Sa habig sa Detroit, gipangulohan ni Cade Cunningham ang kadaugan pinaagi sa iyang 32 puntos sa tibuok duwa samtang niamot og 21 puntos si guard Malik Beasley.
Ang kadaugan sa Warriors maoy ilang ika-19 nga kadaugan karong season samtang ang ilang sunodsunod nga kapildihan mikunhod ngadto sa 18.
Ang Pistons naggunit og 19-19 win-loss record.
