Dula sa Lakers ug Hornets gi-postpone tungod sa wildfire

Gi-postpone sa NBA ang duwa tali sa Los Angeles Lakers ug Charlotte Hornets tungod sa wildfire.

Ang desisyon gihimo sa pagsuporta sa mga pamilya nga nawad-an sa ilang mga balay sa Los Angeles.

Matod sa NBA, dako ang ilang kasubo ug simpatiya sa mga apektadong residente.

Gidayeg usab sa liga ang kaisog sa mga bombero ug rescuers nga padayong nagpalong sa nasangpit nga sunog.

Ipahibawo nila sa mosunod nga mga adlaw kung kanus-a ipadayon ang duwa.

Ang National Hockey League maoy unang nakanselar tungod sa maong sunog.