Nagpasayon ang US sa pagmonitor sa giingong alyansa ug kolaborasyon nga nadiskobrehan niini tali sa China ug Houthi nga mga rebelde nga naghulga sa pagguba sa kalig-on sa Red sea.
Base sa impormasyon nga gipagawas sa daghang internasyonal nga mga organisasyon sa balita, ang China ug ang mga rebeldeng Houthi giingong nagbinayloay og mga serbisyo ug mga materyales sa gubat pinaagi sa usa ka komplikado ug sekreto nga kadena sa suplay.
Ubos sa maong supply chain, gitugotan kuno sa mga rebelde nga makaagi ang mga barko nga bandera sa China baylo sa mga armas nga hinimo sa China.
Ang maong sistema giingong gihimo na sa mga rebelde sukad nagsugod ang sunodsunod nga pag-atake sa Red sea. Pinaagi niini ang mga rebelde makakuha og mga advanced component alang sa ilang ballistic ug cruise missiles.
Base sa paniktik sa US, nagplano usab ang mga rebelde nga magtukod og gatosan ka cruise missiles nga makaabot sa mga nasud sa Persian Gulf, gamit ang mga sangkap sa militar nga nakuha gikan sa China.
