Nag-atubang usab si Vice President Sara Duterte sa ikatulo nga impeachment complaint sa House of Representatives.
May 12 ka mga complainants sa nasampit nga impeachment complaint sa diin ginalangkoban kini sa mga abogado, pari, non-government organization (NGO) workers gikan sa Mindanao og sa uban pa nga bahin sa nasud.
Ang girason sa mga nasampit sa pag-file og impeachment complaint batok kang VP Duterte mao ang graft and corruption og betrayal of public trust.
Lakip sa mga grupo nga nakakuha og atensyon nga nag-file sa impeachment complaint mao ang National Union of Peoples’ Lawyer (NUPL-Mindanao).
Ang reklamo ang kabahin sa gihapon sa ginaingong sayop matod pa nga paggamit ni Duterte sa confidential funds sa Office of the Vice President (OVP) og Department of Education (DepEd).
Lakip sa mga nag-endorso sa impeachment complaint sa House of Representatives Secretary General mao silang Camarines Sur 3rd District Representative Gabriel Bordado Jr. og AAMBIS-OWA Representative Lex Colada.
Gipasalig usab sa mga complainants og endorsers nga magpagawas og dugang nga mga pahayag sa higayon nga mahuman na ang filing procedures.
Kahibaloan nga una ang bag-o nga impeachment complaint, may duha ka pending nga reklamo nga gi-file sa House of Representatives.
Lakip sa mga nag-file sa duha ka nauna nga impeachment complaints mao ang civil society og militant organizations.
