Gipahamtangan ug multa sa National Basketball Association si Boston Celtics forward Jaylen Brown ug $25,000 tungod sa dili maayo nga senyas sa iyang mga kamot samtang naa sa tunga sa court sa ilang dula batuk sa Detroit Pistons.
Nahitabo ang insidente dihang dose segundos na lamang ang nahibilin sa unang kwarter sa ilang kadaugan sa Boston 130 kontra 120 sa Detroit Pistons.
Gihimo ni Brown ang hiwa tilaok nga senyas human ang dunk niini batuk kang Isaiah Stewart sa Detroit.
Anaa na sa ikasiyam ka tuig si Bron sa NBA campaign human gipangunahan sa reigning NBA champion Celtics batuk sa Pistons nga may 28 points, nine assists, six rebounds ug three steals.
Sa kartada nga 18-4, ang Celtics adunay second-best record sa NBA nagsunod sa Eastern Conference leader ang Cleveland Cavalier nga may 20 nga daug samtang tulo ang pildi ug may siyam ka daug sa napulo nila ka dula.
Ang 28 anyos nga si Brown, may average nga 25.2 points, 6.4 rebounds ug 4.6 assists sa matag dula sa Celtics.
