Giawhag sa European Union Asia Pacific ang Pilipinas nga mubumalik na sa pagka miyembro sa International Criminal Court (ICC).
Matud kang Asia and the Pacific – European External Action Service managing director Niclas Kvarnström, mas maayo nga ang Pilipinas mahimong kabahin gihapon sa ICC aron mapalig-on ang kooperasyon tali niini ug sa ubang kanasuran.
Gani, matod niya, ang Pilipinas ubos gihapon sa legal nga hurisdiksyon sa ICC bisan pa sa permanenteng pag-withdraw niini sa Rome Statute niadtong 2018.
Gipasabot ni Kvarnström nga sa dihang miapil ang Pilipinas ug nahimong membro sa statute, nasakop kini sa legal nga hurisdiksyon sa ICC bisan kung kini hingpit nga mibiya.
Ang pagbalik sa Pilipinas, matod niya, kabahin lamang sa pormal nga pagdawat sa nasod sa hurisdiksyon sa internasyonal nga korte alang sa mas lapad ug estrikto nga kooperasyon ug kolaborasyon.
Ang Pilipinas ang kanhi estado nga partido sa Rome Statute, nga nagsilbi nga founding treaty sa ICC.
Ka niadtong 2018, ang nasud nagpadala ug usa ka pahibalo sa pag-atras gikan sa balaod, nga nahimong epektibo usab usa ka tuig ang milabay (2019).
Naatol kini sa kusog nga pagsaway sa international community sa giyera kontra droga ni kanhi Pang. Rodrigo Duterte
Apan, ang ICC nagpadayon sa ilang imbestigasyon sa giingong mga crimes against humanity at murder charges batok kang kanhi President Rodrigo Roa Duterte.
