Gibutyaag ni Philippine National Police Chief Gen. Rommel Francisco Marbil nga gitun-an ang posibleng pagpasaka og kaso batok kang Vice President Sara Duterte.
Gawas sa bise presidente, damay usab ang iyang mga security personnel og staff.
Kini tungod sa paglapas sa Article 151 sa Revised Penal Code (Resistance and Disobedience to a Person in Authority) og uban pang kasong kriminal og administratibo.
Kalabotan kiini sa nahimong insidente sa House Detention Center og VMMC, kung asa gigamit matod pa ang pribadong ambulansya alang sa “forced transfer” ni Atty. Zuleika Lopez, Chief of Staff ni Duterte, nga na-detain tungod sa contempt order sa Kongreso.
Gisiguro ni Marbil nga mahimong patas ang imbestigasyon og pagsunod sa due process aron mapanubag ang kinsa mang milapas sa balaod.
Wala pay tubag dinhi ang kampo ni VP Duterte, nga kasmtangang anaa sa Mindanao.
