Mamahimo nga makabenipisyo sa calamity loan ug sweldo gikan sa state-led pension fund ang mga sakop sa SSS. Sumala sa Social Security System, ang mga miyembro niini sa mga lugar nga naigo sa tropical cyclones (TCs) Kristine, Marce, Nika, Ofel, ug Pepito sa miaging mga semana mahimong maka-avail sa calamity loan hangtod sa Disyembre 19.
Matud kang SSS Officer-in-Charge Voltaire Agas, ang kantidad sa loan hangtod sa usa ka bulan nga salary credit hangtod sa P20,000. Ang mga miyembro sa SSS sa mga lugar nga ubos sa state of calamity ang kwalipikado nga mag-aplay alang sa loan.
Nasayran nga ang disaster ug salary loan mahimong mabayran sa installment sulod sa 24 ka buwan o duha ka tuig nga adunay pagkunhod sa tinuig nga interes nga 10 porsyento base sa pagkunhod sa balanse sa mga miyembro..
