Apektado ang kinatibuk-ang 309,518 indibidwal bugti sa 85,415 pamilya sa pipila ka rehiyon sa Luzon tungod sa paghuros sa nakalabay nga bagyong Nika ug bagyong Ofel.
Sa data sa National Disaster Risk Reduction and Management Council (NDRRMC) natala ang mga apektadong pamilya sa Ilocos region, Cagayan valley, Central Luzon, Bicol ug Cordillera Administrative region.
Kung asa anaa sa mukapin 26,000 ka indibidwal ang nagpabilin sa mga evacuation center samtang mukapin 19,000 indibidwal ang temporaryo nga mipasilong sa uban nga lugar.
Sa karon 2 na ang gikataho nga nasamdan sa Central Luzon. Samtang gikataho usab sa ahensiya ang kinatibuk-ang 320,658,974 ang kantidad sa kadaut sa sektor sa imprastruktura sa Central Luzon.
Anaa sa mukapin 2,000 ka mga balay ang naguba nga kasagaran natala sa Cagayan valley.
May 153 road sections ug 91 ka tulay ang naapektuhan tungod sa mga pagbaha.
Nagpadayon usab ang pagpanghatag sa hinabang sa mga apektado sa kalamidad nga anaa na sa mukapin P10.646 million kantidad sa relief assistance.
