Komander sa Hezbollah, lakip sa mga napatay sa gilunsad nga welga sa Israel sa Syria

Labing menos 9 ka mga tawo lakip ang Hezbollah commander ang namatay sa welga nga gilusad sa Israel sa Damascus, Syria karong Domingo.

Lakip sa 9 ka kaswalti mao ang 4 ka sibilyan, usa ka babaye ug 3 ka bata nga pulos Syrian national ug 5 pa.

Sumala sa Syrian Observatory for Human Rights, gihampak sa Israel ang usa ka apartment nga iya sa Hezbollah sa dapit sa Sayyida Zeinab sa habagatan sa Damascus.

Taliwala kini sa gipakusog nga mga welga sa Israel sa Syria sukad nga miulbo ang todo nga gubat uban sa Hezbollah sa Lebanon niadtong Septiyembre 23.