-- ADVERTISEMENT --
Nagnegatibu ang random drug test sa 78 ka personahe sa mga sakop sa Sarangani Provincial Police office .
Nanguna sa pagkuha ug sample si Lt. Col. Norman Castro sa Sarangani Forensic Unit kuyog ang mga ginsakpan.
Una gikumpirma ni Sarangani Provincial Police Office Col Deanry Francisco nga pinakalit ang gihimo nga drug test sa mga personahe sa Provincial Headquarters atul sa gipahigayon nga flag raising ceremony sa Provincial Command.
Matud niini pagtuman kini sa RA 9165 kon Dangerous Drugs act of 2002 aron masiguro ang drug free workplace ug pagpromote sa maayong panglawas sa mga personahe ug ipakita sa publiko nga walay sakop sa PNP nga gagamitan ug nalambigit sa Illegal drugs.
