GENERAL SANTOS CITY – Gisunod sa Police Regional Office 12 ang deklarasyon sa Pangulo sa Pilipinas nga ilhon nga adlaw sa pagbangutan ang November 4 kon karong adlawa alang sa mga biktima sa severe tropical storm Kristine.
Isip pagsunod sa maong kamandu-an gibutang sa half mast ang tanang bandera sa kapulisan sa tanang buhatan , PNP units sugod alas syete y medya atul sa flag raising ceremony hangtud sa pagsalop sa adlaw.
Kini ang pagpakita ug kasubo duyog sa mga pamilya nga nawad-an sa ilang mga minahal sa kinabuhi atul sa paghuros sa bagyong Kristine sa nasud nga mikotlo na ug 146 ka kinabuhi ug miangol sa 130 ka indibidwal ug pagkawala sa 20 pa nga padayong gipangita.
Tanan usab sa mga personahe sa kapulisan ang gihangyo sa paghalad ug mga pag-ampo sa mga namatay nga biktima.
