GENERAL SANTOS CITY – Nagpadayon ang imbestigasyon sa Traffic Enforcement Unit sa General Santos City Police Office aron mailhan ang mga nagpasiugda sa drag race sa Circumferential Road, Fil-Am Road Fatima ning syudad.
Gikan matud pa sa Gensan airport ang direction sa drag race samtang ang babaye nga rider ang padulong sa circumferential road apan pag-abot sa circumferential road nahitabo ang mangilngig nga insidente .
Sa kakusog sa impact gikamatay sa dalaga ug sa gikaingon nga rider nga miapil sa lumba.
Sa imbestigasyon nga may tagbuon unta ang biktima nga si Kristel Mae Hecto 24 anyos dalaga nga residente sa Fatima ang usa ka higala samtang maneho ang XRM motor samtang ang ikaduha nga namatay giila nga si Christian Dave Bonayos, 27 anyos lumad nga taga Tacurong Sultan Kudarat gamit ang raider 150 cc.
Matud sa kapulisan nga si Bonayos ang apil sa lumba.
Gituhuan nga kusog ang pagkabangga tungod nangalagpot ang mga biktima sa ilang motor.
Nahitabo ang insidente alas nueve sa gabii Nobyembre dos .
Matud sa kapulisan nga pasado alas dyes sa gabii nakabsan sa kinabuhi si Cristel samtang ala una pasado usab namatay si Christian.
