Nangandam na ang pipilaka mga bus terminal sa pagdagsa sa mga pasahero nga mopauli sa Metro Manila human ang long holiday
Matod ni Hilario Mataba, Assistant Supervisor sa usa ka bus company, nahan-ay na ang ilang mga bus alang sa gipaabot nga pagbalik sa mga biyahedor nga magsugod karong Nobiyembre 4.
Matod niya, ang ilang mga bus nagpaabot na sa mga probinsya alang sa padayong biyahe balik sa NCR.
Samtang, bisan niadtong Nobiyembre 2, matud pa niya aduna gihapoy mamauli sa mga probinsya hinungdan nga padayon silang nag-alerto bisan pa man nga hapit na mahuman ang Undas.
Gisiguro usab sa tagdumala sa terminal ang hugot nga pagbantay sa mga sakay nga pasahero ug pagsiguro nga ang mga drayber anaa sa maayong kondisyon alang sa taas nga oras sa pagbiyahe.
