Gi- ambush sa pipila ka miyembro sa New People’s Army ang tropa sa 49th Infantry Battalion nga nagpahigayon unta ug Disaster Relief operation sa probinsya sa Albay.
Kini human ang paghuros sa bagyong Kristine nga nag-unang naapektuhan mao ang Bicol region.
Sa usa ka pahayag, gibutyag ni Army Chief Public Affiars, Col. Louie Dema-ala nga ang gihimo sa mga rebeldeng grupo ang hugot nilang gikondena.
Kini matud pa ang pagpakita lamang ug katalawan luyo nga nakatotok ang taban sa pagtabang sa mga residenteng naapektuhan sa bagyo.
Matud kang Dema-ala, makonsidera nga bahad sa seguridad ug kalinaw ang paggamit sa NPA ug mga anti-personnel mines aron idiskaril ang ilang operasyon.
Kalabut niini nanawagan ang Philippine Army sa publiko nga makigtinabangay sa ilang buhatan ug itaho ang kadudahang rebelde sa ilang mga lugar.
