Anaa na sa Pilipinas ang mga air asset sa Singapore ug Malaysia aron suportahan ang pagtubag sa kalamidad ug humanitarian nga paningkamot nga gihimo sa mga lugar nga naapektuhan sa bag-ong bagyo nga Kristine.
Nasayran nga kagahapon dihang mitugpa ang C-130 aircraft sa Republic of Singapore Air Force (RSAF) sa Villamor Airbase sa Pasay City. Samtang alas 2:39 sa hapon, niabot sa nasod ang Eurocopter EC725 transport helicopter sa Royal Malaysian Air Force (RMAF).
Malipayong giabiabi ni Department of National Defense (DND) Secretary Gilberto Teodoro ang team sakay sa duha ka military aircraft.
Ang DND chief giubanan ni Malaysian Ambassador Dato Abd Malik Castelino, Singaporean Ambassador Constance See, ug Philippine Air Force (PAF) Commanding General Lt Gen Stephen Parreño.
Alang kang Teodoro, ang pag-abot sa mga ayroplanong militar gikan sa mahigalaong mga nasod alang sa humanitarian mission usa ka dakong butang.
Bisan og dako ang kadaot nga gipahinabo sa bagyo, ang Bicol Region ug Southern Tagalog area nga grabeng nadaot sa dili maayong panahon maoy unahon nga target.
