Gipatulan ni Vice President Sara Duterte ang hagit kaniya sa mga kongresista nga magpa-neuropsychiatric test human gibutyag nga ipakotkot ang patayng lawas ni kanhi Pangulong Ferdinand Marcos Sr., ug ilabog sa West Philippine Sea kung dili pa siya undangan sa mga Marcoses ilabi na sa pag duot kaniya ingon man sa pagpamulitika.
Sumala sa Bise Presidente nga gawas sa neuropsychiatric test, mopailawom usab siya sa drug test, apan sigon niini nga tungod kay unstable man usab sa iyahang panan-aw ang mga kongresista, iya usab kining gihagit nga mopailawom usab sila sa drug test.
Gipanawagan usab sa Bise Presidente ang Philippine Medical Association ug Philippine Psychiatric Society nga mag set og guidelines para sa ilang tanan sa labig dali nga panahon.
