Mukandidato ang napriso nga si KOJC founder pastor Apollo Quiboloy isip independent candidate sa pagka-Senador sa 2025 midterm elections.
Kini human niya nga i-revoke ang iyang kwestiyonableng acceptance of nomination ilawom sa Workers’ and Peasants’ party (WPP) tungod dili matod pa niya gustong malambigit sa ‘intra-party dispute’ sa partido base sa sulat niya nga naka-address sa Comelec nga gisumite ni Atty. Mark Tolentino kagahapon.
Gikalipay usab sa presidente sa WPP og Senatorial candidate nga si Sonny Matula ang maong kalamboan apan gipaklaro niini nga walay paksiyon sa sulod sa ilang partido. Ang pahayag ni Quiboloy nga adunay bangi sa partido ang walay basehanan.
Kahinumdoman nga una ng nagsang-at og petisyon si Matula aron kanselahon ang kandidatura ni Quiboloy ilawom sa ilang partido tungod sa ‘material misrepresentation’ tungod dili matod pa awtorisadong tawo ang nagsang-at sa iyang CONA og angayang ideklara isip nuisance candidate og idiskwalipika sa Senatorial race.
Samtang, sa habig sa Comelec, gibutyag ni chairman George Erwin Garcia nga dili makaapekto ang pagtangtang sa nominasyon kang Quiboloy sa determinasyon sa poll body sa partial list sa 66 nga posibleng lehitimong kandidato alang sa Senatorial race kung asa lako na si Quiboloy, gawas na lang matod pa kung adunay magsang-at og petisyon batok sa pastor.
