POLOMOLOK SOUTH COTABATO– Anaa sa ikasiyam nga pwesto sa tibuok nasud ang munisipyo sa Polomolok sa South Cotabato sa mga first ug second class municipalities nga most competitive economic dynamism pillars nationwide.
Kini basi sa 2024 Cities and Municipalities Competitiveness Index (CMCI) nga gipagawas sa Department of Trade and Industry (DTI).
Gawas niini nanguna usab ang Polomolok sa pito ka munisipyo sa probinsya sa South Cotabato sa overall rankings nga gipagawas sa maong website.
Sumala pa nga kini nga pag-ila ang usa sa highlights nga gipakita sa munisipyo sa kasamtangan nga administrasyon.
Nagsunod sa Polomolok ang munisipyo sa Tupi nga adunay score nga 34.41, ikatulo ang Surallah nga adunay score nga 33.30, ikaupat ang Lake Sebu nga may score nga 32.97, sunod ang T’boli nga may 32.42, dayon ang Tampakan ug Banga.
