Nagpagawas na ug drone video ang Israeli Defense Forces pipila ka oras human sa pagkumpirma sa pagkapatay sa lider sa Hamas nga si Yahya Sinwar, nga nagpakita sa katapusang mga gutlo niini.
Sa footage nga gipaambit, makita ang usa ka indibidwal nga naglingkod sa sofa sa usa ka naguba nga bilding sa Southern Gaza nga giila sa IDF nga si Sinwar bisan pa nga gitabonan ang iyang nawong og panapton ug ang iyang lawas natabunan usab sa mga abo tungod sa mga pag-atake.
Posibleng nasamdan ug naputlan sa iyang tuo nga kamot si Sinwar.
Apan luyo nga luya na kini, nakuhaan pa sa drone nga gigamit niini ang iyang wala nga kamot sa paglabay og taas nga butang aron ipunting sa drone nga mipaingon kaniya.
Sumala sa mga opisyal sa Israel, ang pagkapatay kang Sinwar resulta sa usa ka intensive manhunt operation nga milungtad og kapin sa usa ka tuig.
