105 ka mga tawo patay human midilaab ang usa ka oil tanker sa Nigeria

Mokabat sa 105 ang ihap sa mga namatay human nasunog ang usa ka oil tanker sa Nigeria.

Sumala sa imbestigasyon sa mga otoridad, nawad-an og kontrol ang maong tanker ug milahos sa residential area sa Majiya, Jigawa, Nigeria.

Human niini, nasundan dayon ug pagbuto nga miresulta sa pagdilaab sa kalayo.

Gikadugang nga mokabat sa 70 ka mga tawo ang nasamdan nga daling gidala sa ospital.

Posibleng mosaka pa ang ihap sa mga nangamatay tungod anaa sa grabe ang kahimtang ang ubang mga biktima.

Gipasalig usab sa ilang gobyerno nga tabangan ang mga biktima samtang nagpahigayon og imbestigasyon ang mga awtoridad.