Derektang gitudlo ni Retired police colonel Royina Garma si kanhi presidente Rodrigo Duterte sa extrajudicial killings kansa gidumala sa kapulisan pinaagi sa dugoong war on drugs sa nasangpit nga Presidente.
Saysay ni Garma atul sa house quad committee hearing karong adlawa nga personal matud pa siyang gipatawag ni Duterte niadtung 2016 tungod kay nangita matud pa kini og indibidwal nga dunay kakapas nga mag implementar sa war on drugs sa tibook nasod, ang maong war on drugs, awat matud pa sa gitawag niini nga “Davao model.”
Sigon ni Garma nga ang maong “Davao model” kay gilangkuban sa Reward system kansa dunay tulo ka mga ang-ang kon level: Una, dunay ganti kung mapatay ang suspek: ikaduha, ang funding sa planadong operasyon; ug ang ika tulo, mao ang refund sa operational expenses.
Dugang pa ni Garma nga naila matud pa ang upperclassman niini nga si retired police colonel ug kasamtangang National Police Commission commissioner Edilberto Leonardo isip haum sa gipangita ni Duterte, ug nasayran usab niini nga gitawg si Leonardo ni Duterte pinaagi sa laing pulis nga nailang si Arthur Narsolis.
Dugang pa ni Garma nga giignan matud pa siya ni Leonardo nga gimanduanmatud pa kini ni kanhi PRDD nga magorganisa og task force nga cover ang tibook Pilipinas. Dugang niini nga duna usab matud pay proposal ang retiradong police colonel pinaagi kang Senador Bong Go kansa nag-outline sa operasyon sa maong task force.
“Leonardo conducted briefings for all PDEA (Philippine Drug Enforcement Agency), IG (Intelligence Groups), Regional Directors, and PNP Chiefs regarding operations. Additionally, if any individual died during police operations, Leonardo reported the incident to Bong Go for inclusion in his weekly report and requests for refunds of operational expenses,”
-ANG PAMAHAYAG NI GARMA ATUL SA HOUSE QUAD COMMITTEE HEARING
Alayon niini gikakurat usab sa mga mambabalaod sa Kamara ang nasangpit nga mga pamahayag ni Garama, ug gipaklaro pa sa mga niini sa nasangpit nga indibiwal nga wala siya pugsa sa komitiba nga mobulgar sa nasangpit nga mga rebelasyon.
Diin giangkon usab niini nga walay nagpugos kaniya nga mobulgar sa maong mga hisgutanan, gani, ningkabat pa kini og usa ka semana niyang pagbansaybansay kung iyaha ba kining ibulgar.
