Gikompirma sa DOJ nga miuyon ang US nga ibasura ang laing kaso batok sa kaubang akusado ni Quiboloy human makaabot sa plea bargaining agreement. Gikompirma sa Department of Justice nga miuyon sila nga ibasura ang laing kaso batok sa kaubang akusado ni KOJC founder Apollo Quiboloy nga si Marissa Duenas.
Kini human nakigsabot si Duenas og plea bargaining agreement sa United States Attorney’s Office (USAO) alang sa Central District of California alang sa mas ubos nga silot.
Matod ni Justice ASec. Mico Clavano, ilang giberipika ang maong impormasyon gikan sa US Embassy diin niangkon si Duenas nga sad-an sa kasong conspiracy to cheating the American government pinaagi sa pagtabang sa KOJC sa paghikay sa 25 ug 100 ka sham o fraud marriages aron makalikay sa US Immigration laws.
Samtang, ang tanang mga kaso batok sa ubang mga akusado nga giatubang sa Amerika, nagpabiling pending ug ang husay gikatakdang magsugod sa Mayo 20, 2025.
