Nagtuo ang Parish Pastoral Council for Responsible Voting (PPCRV) nga dili makaapekto sa integridad sa eleksyon ang mga gibato nga akusasyon batok sa mga opisyal sa poll body.
Matod kang PPCRV national coordinator Dr. Arwin Serrano sa pakighinabi sa Bombo Radyo, daghang higayon na nilang nadungog ang pagpaklaro sa mga opisyal sa komisyon hinungdan nagpabilin ang ilang pagsalig sa maong buhatan.
Gihingusgan ni Serrano, daghang oras na ang nasayang sa pagtubag sa mga pagsaway hinungdan panahon na karon sa pagtrabaho pagmaayo aron mahimong malampuson ang piniliay.
Naobserbahan usab matod pa nila ang mga paningkamot sa mga opisyal sa Comelec nga maprotektahan ang institusyon, hinungdan isip citizen’s arm, himuon nila ang tanan aron masiguro ang limpyo nga 2025 Midterm Elections.
Sa karon nangita na matod pa sila og dugang volunteers aron makauban sa pag-alalay sa mga botante, hangtod sa lagyong probinsya.
