Naghinaot ang Filipino sports legend nga si Efren ‘Bata’ Reyes nga maapil ang bilyar isip olympic sport.
Matud pa sa ‘The Magician’ nga dugay na niyang gipangandoy nga maapil ang maong duwa sa labing dako nga kompetisyon sa sports sa tibuok kalibutan.
Gikadugang pa niya nga ang mga bilyarista kaniadto nakapakita na niadtong dekada 90 aron maapil ang maong mga sports sa Olympics apan matod niya wala kini gihatag.
Gusto usab niya nga marepresentar ang Pilipinas sa maong mga sports kung tugotan kini nga mahimong Olympic event.
Dugang pa niini nga , dako ang potensyal sa Pinoy Billiards players kung mahatag ang ilang hangyo nga himuon kini nga Olympic sport.
Sa pagkakaron, daghan ang walay kasinatian nga mga magduduwa nga Pinoy nga nagpakita og kahanas sa pagdula og billiards dili lang sa mga lokal nga torneyo kon dili lakip na sa ubang internasyonal nga kompetisyon.
