Hilabihan ang kalipay sa P-pop girl group nga BINI human nga malakip sila sa 12 Rising Girl Group to Know Now” sa Grammy Awards.
Sila lamang ang Filipino girl group nga nakaapil sa maong listahan.
Ang grupo gilangkoban nilang Aiah, Colet, Maloi, Gwen, Stacey, Mikha, Jhoanna og Sheena.
Lakip nila sa listahan ang South Korean groups nga UNIS, ARTMS, VCHA, Kiss of Life, NiziU og BLACKSWAN.
Lakip usab ang Thai group na 4EVE, American groups na Citizen Queen og SZNS ingon man ang British trios nga FLO og Say Now.
Kahinumduman nga nominado na usab ang grupo sa 16th Star Awards for Music og 2024 MYX Awards.
Nakadawat usab sila og Voices of Asia award sa “Billboard K Power 100” nga gipahigayon sa Seoul, South Korea sa miaging Agosto.
Pipila sa mga gipasikat nilang kanta mao ang “Salamin, Salamin”, “Pantropiko”, “Lagi”, “Cherry on Top” og daghan pa.
