Gina kahinaman na ang pag-abli sa bag-ong NBA season. Tungod sa upat ka Filipino-American players ang gikuha sa manag lahing teams sa NBA.
Gipangulohan kini ni Utah Jazz player Jordan Clarkson.
Si Clarkson wala makaapil sa mga bahin sa miaging duha ka season tungod sa pagkaangol.
Giangkon niya nga iyang gigugol ang bakasyon sa pagpaayo ilabi na human siya gikuha nga moduwa sa Gilas Pilipinas atol sa FIBA World Basketball World Cup.
Samtang ang number 2 overall 2021 pick sa Houston Rockets nga si Jalen Green busy karon sa pagka-amahan.
May average kini nga less than 20 points ug naka focus kini sa team goal.
Samtang siguraduhon sa undrafted Fil-Am rookie nga si Boogie Ellis nga iyang ihatag ang iyang pinakamaayo aron dominahan ang Sacramento Kings.
Isa sa iyahang mga inspirasyon sa pag dula niya ang iyahang assistant coach nga si PBA legend Jimmy Alapag nga anaa sa ika duha nga tuig isip assistant coach sa Kings .
Gakahinam usab ang Fil-Am player nga si Ron Harper Jr. tungod kay gikuha siya sa reigning NBA champion Boston Celtics gikan sa Toronto Raptors.
Wala makaduwa si Harper sa miaging season tungod sa injury ug nalakip kini sa preseason dihang gipildi sa Celtics ang Denver Nuggets sa duwa nga gipahigayon sa Abu Dhabi. Samtang ang bag-ong NBA season magsugod sa Oktubre 22m 2024.
