Pormal ng gipirmahan ni Pangulong Ferdinand R. Marcos Jr., ang VAT Digital Services bill nga maghatag og otoridad sa gobyerno aron magpahamtang og value added tax sa mga digital services.
Human pirmahan ni Pangulong Marcos, usa na ka hingpit nga balaud ang VAT on digital services ang House Bill No. 4122.
Buot pasabot, pahamtangan na ug buwis ang mga digital services sama sa ginahimong pagpahamtang sa mga gikonsiderang traditional business sama sa restaurants, retail stores og sama nga negosyo.
Sakop sa VAT on digital services ang Netflix, Google, apil ang market place.
Sa pagpatuman sa maong balaud, gipaabot nga makakuha ang gobyerno dinhi og revenue nga muabot sa P7.25 billion sa 2025, anaa sa P21.37 billion sa 2026 og P22. 81 billion sa 2027 og P24.42 billion sa 2028 samtang 26.27 billion sa 2029.
Ang maong balaod misakop sa nagkadaiyang mga serbisyo susama sa online search engine, online marketplaces, cloud services, online media og advertising, online platform og digital goods.
Gikonsidera nga usa sa mga prayoridad nga lakang sa Administrasyong Marcos ang maong balaud nga tumong nga matubag ang mga pagkalugi sa kita tungod sa mga ambiguities sa mga gipatuman nga balaud kabain sa pagpahamtang ug buhis sa mga transaksyon sa e-commerce.
Partikular nga target niini ang mga langyaw nga kumpanya nga wala nakabase sa nasud nga padayong nagahatag og serbisyo sa mga konsumedor nga Pilipino.
