Andam si kanhi world champion Gennady Golovkin sa pagluwas sa boksing aron dili kini matangtang sa Los Angeles Olympics sa 2028.
Si Golovkin maoy napili nga Olympic commission chair nga makig-estorya sa International Olympic Committee nga dili tangtangon ang dula sa boksing sa Olympics.
Siya niinsistir nga ang iyang prayoridad mao ang pagpreserbar sa boksing isip Olympic sport.
Si Golovkin usa ka Olympic silver medalist sa 2004 ug pagkahuman nahimo siyang propesyonal nga boksidor nga adunay rekord nga 42 ka daog duha ka pildi ug usa ka tabla.
Kahinumduman nga ang International Olympic Committee nihatag og lugway sa International Boxing Association sa sunod tuig aron pamatud-an nga walay lingla nga nahitabo aron dili matangtang ang boksing sa Olympics.
