Nisugyot ang mga kompaniya sa telekomunikasyon sa nasud nga hatagan sila og subsidyo sa gobyerno alang sa data plans sa kadaghanan sa mga Pilipino nga nagpuyo sa hilit nga mga dapit.
Sa nasangpit nga plano, manghatag sila og mga SIM card nga automatic nga adunay 50 gigabytes nga sulod matag tuig.
Ang maong mga sim card mahimong gamiton sa lima ka miyembro sa usa ka balay aron aduna silay internet access sa edukasyon, healthcare, serbisyo sa gobyerno ug kahigayonan sa ekonomiya.
Mokabat sa 7,063 ka barangay ang gikonsidera nga geographically isolated and disadvantaged areas (GIDAs) nga gilangkuban sa 25 milyones ka molupyo.
Una, si President Ferdinand Marcos Jr miingon sa iyang State of the Nation Address nga iyang suportahan ang mga reporma sa polisiya alang sa mga ‘ common towers’ nga magahatag og koneksyon sa daghang mga Pilipino.
