Nagpahibalo si Comelec Chairman George Erwin Garcia nga magtukod sila og task group nga motutok sa mga politiko ug grupo nga posibleng mopakatap og fake news, AI deepfakes ug uban pa.
Matod ni Garcia, ang umol nga team mao ang makig-alayon sa mga ahensya sa gobyerno aron gukdon ang mga naghimo sa disinformation.
Lakip sa gipangayoan og tabang sa grupo mao ang National Bureau of Investigation (NBI), Department of Information and Communications Technology (DICT), social media companies ug daghan pang uban.
Bisan ang Presidential Communications Opffice (PCO) niingon nga mangayo sila og tabang kon gikinahanglan.
Nanawagan usab si Garcia sa publiko nga suportahan sila sa pagpangita sa mga “fake news peddlers, aron manubag sila sa balaod.”
Anaa na sa mga eksperto ang pagdeterminar kon unsa nga mga kaso ang mapasaka, silot nga ipahamtang ug danyos nga gipangayo batok sa mga makalapas sa balaod o mang-vandalize gamit ang modernong teknolohiya.
