Sunod-sunod nang nagpagawas og statement ang mga kanhi nagsilbing Philippine National Police(PNP) Chief human sa impormasyon nga mitumaw nga usa ka kanhi hepe sa PNP ang matod pa mitabang sa grupo ni Alice Guo nga makagawas sa nasud.
Gawas sa pagtabang kang Guo, ang maong heneral anaa ilawom matod pa sa payola sa Philippine Offshore Gaming Operator (POGO).
Lakip sa mga nagpagawas ug pahayag mao silang PGen. Oscar Albayalde, PGen. Rodolfo Azurin, og PGen. Benjamin Acorda Jr.
Sumala kang Albayalde, dili niya kaila si Alice og wala niya bisan kanus-a nahimamat ang kanhi mayor.
Gihagit usab ni Azurin ang Pagcor official nga si Gen. Raul Villanueva nga panganlan ang iyang gitumbok nga mitabang sa grupo ni Guo
Alang usab kang Gen. Acorda Jr., nabutang sa alanganin ang pangalan sa mga kanhi PNP Chief.
Dili matod pa kini patas sa kanhi mihupot sa posisyon nga wala usab nabuhat nga sala.
Base sa nahimong una nga pahayag ni PNP Chief PGen. Rommel Francisco Marbil, imbestigahan sa kapulisan ang kamatuoran sa nahimong pahayag ni retired Gen. Villanueva.
Hinuon, kung wala matod pa kini kamatuoram, kinahanglan usab nga panubagon ang kanhi heneral nga kasamtangan karong nagtrabaho sa Pagcor.
