Giangkon sa Philippine Coast Guard nga posibleng gigamit sa mga pugante ang mga fishing vessel o pleasure yacht sa pag-eskapo paingon sa ubang kanasuran.
Sa gipahigayon nga hearing sa Senate Committee on Public Services and Justice and Human Rights, gipangutana ni Senador Raffy Tulfo ang Philippine Coast Guard kon posible ba nga mogamit og medium-sized o gagmay nga mga fishing vessel sa paggawas sa nasud.
Tubag ni Kapitan Oliver Tanseco, ang commander sa Coast Guard Investigation and Detection Management Service, nga ang tipikal nga tuna fishing vessels, o pleasure yacht mahimong gamiton sa pag-ikyas sa mga pugante gikan sa nasud.
Diin gihulagway niya kini sa pag-ikyas ni Alice Guo nga misakay sila sa pleasure yacht dihang milayas sa nasod.
Gipasabot ni Tanseco nga ilang gipalapdan ang security measure nga gipakatap sa mga pantalan ug kadagatan sa nasud.
Matod ni Tanseco, dili lang ang mga conventional port sa nasud o kadtong mga pantalan nga adunay mga nagbantay nga personnel gikan sa Coast Guard, Bureau of Quarantine, ug Bureau of Immigration ang gibantayan, apil na ang ubang mga beach resort diin ang mga tawo mahimong makalusot pinaagi sa gagmay nga mga bangko, sama sa naunang testimonya ni Shiela Gou
