Mohangyo sa korte ang Department of Justice sa pag-isyu og search warrant aron masubay ang gikatahong mass graves sulod sa compound sa giatake nga POGO hub nga Lucky South 99 sa Porac, Pampanga.
Matod ni Justice USec. Nicholas Felix Ty, nakig-alayon ang DOJ sa Presidential Anti-Organized Crime Commission (PAOCC) ug law enforcement alang sa pag-andam sa mga dokumento alang sa aplikasyon sa search warrant sa Regional Trial Court ug nanghinaot nga mapasaka na kini sunod semana.
Ang opisyal niingon nga si Justice Sec. Jesus Crispin Remulla ang imbestigasyon kalabot sa mga patayng lawas nga giingong anaa sulod sa compound sa Lucky South 99.
Una na usab nga gibutyag ni PAOCC spokesperson Winston Casio nga nakadawat sila og mga taho kalabot sa mga patayng lawas nga gilubong sa nahisgutang compound.
Matod niya nga ang mga imbestigador ug mga saksi nakaila na sa posibleng lokasyon sa maong mga mass graves.
