Bantayan ang pinakauna nga pag-atubangay nilang US Vice President Kamala Harris og kanhi US President Donald Trump sa usa ka presidential debate may kalabotan sa nagkaduol nga November 5 election.
Ang debate ginakonsidera nga crucial moment sa 2024 campaign, ilabi na sa pagkakaron nga halos patas sila sa survey.
Posible gamiton ni Harris ang 90-minute debate isip oportunidad nga maghatag og dugang nga detalye sa iyang campaign promises.
Sa bahin ni Trump, ginalauman nga mapakita niini ang iyang “happy” version.
Ipahigayon ang debate sa Philadelphia National Constitution Center og i-broadcast live sa ABC channels sugod alas-nueve sa gab-i oras sa US.
Kini ang una nga higayon nga magkitaay og personal ang duha.
Bisan wala pa nahisgutan ang ikaduha nga debate, kini ang posible sa katapusan nga pagkitaay sa duha una ang eleksyon.
