GENERAL SANTOS CITY – Mihangyo na si Gensan Mayor Lorelie Pacquiao ngadto sa Bureau of Fire Protection nga tutukan ang mga anggulo sa pagkasunog sa lima ka pwesto sa Phase B public market nakalabay nga gabii.
Kini human gibutyag sa Bureau of Fire Protection nga nagpadayon ang pagkuha ug impormasyon gikan sa mga stall renter sa posebilidad nga matultulan ang tinubdan sa kalayo nga milamoy sa lima ka pwesto.
Una nga nagpasalamat ang mayor nga wala midako ang kalayo ug dili kaayo dako ang natala nga danyos.
Nagpadayon usab ang pagkuha ug dugang damage assessment gikan sa lima ka mga nabiktima nga stall luyo nga nagpagawas ug partial damage ang kabomberuhan nga anaa sa P18,000.00 ang danyos sa sunog.
Kahinumduman nga nahimong sentro sa kontrobersiya ang P2.3B nga unsolicited proposal sa usa ka kompanya aron i-develop ang central public market nga mahimong mallengke nga wala kapugngi sa pipila nga makapangutana kabahin sa motibo sa pagkasunog.
